Awgrymiadau a Chyngor

1
Cadw llygad ar y wybodaeth ddiweddaraf am y canllawiau ymbellhau cymdeithasol.

Mae'n bwysig cadw'n ddiogel a chadw eraill wedi’u hamddiffyn rhag COVID-19 wrth helpu. Gwnewch yn siŵr eich bod yn cael y wybodaeth ddiweddaraf am y canllawiau lle rydych chi'n byw.

Mae Jenny yn helpu gyda phrosiect bwyd lleol. Ers y clo, mae wedi gorfod addasu sut mae'n cefnogi ei chymuned i gadw ei hun ac eraill yn ddiogel.
2
Dechreuwch gyda ffrindiau a theulu.

Codwch y ffôn ac estyn allan at bobl rydych eisoes yn eu hadnabod i weld a oes angen help arnyn nhw gydag unrhyw beth, fel codi hanfodion ar eich trip nesaf i’r siop. Gallech hefyd gysylltu â chymdogion nad ydych yn eu hadnabod. Byddan nhw'n gwerthfawrogi eich bod yn rhoi amser i sgwrsio â nhw.

Yn ystod y clo, mae Ayesha wedi bod yn gwirio bod cymdogion yn iawn drwy guro ar eu drws neu roi galwad ar y ffôn. Mae hi hefyd wedi bod yn darparu bwyd a hanfodion i bobl sydd angen ychydig o help.
3
Cysylltwch gyda grwpiau cymunedol lleol

Estynnwch allan at grwpiau presennol yn eich ardal i gael gwybod a oes angen unrhyw help arnyn nhw. Efallai y bydd eich teulu neu'ch ffrindiau yn gwybod am rywle lleol sydd angen help llaw, neu gallech chwilio ar wefan cymorth cydfuddiannol COVID-19.

Aeth Bob ar-lein i chwilio am leoedd y gallai eu helpu yn Torbay. Mae bellach yn helpu gyda gwneud parseli bwyd a pharatoi prydau bwyd i'w danfon i bobl.
4
Byddwch yn realistig gyda faint o amser y gallwch ei roi.

Mae'n rhyfeddol beth y gellir ei gyflawni gyda dim ond awr o'ch amser. Efallai y byddwch yn dechrau yn fach. Gallwch bob amser gynyddu faint o amser rydych chi'n ei dreulio yn helpu dros amser.

Mae Tricia yn helpu gyda boreau coffi rhithwir am tua dwy awr yr wythnos, gan eu ffitio o amgylch ei diwrnodau gwaith.
5
Ydych wedi meddwl am godi arian?

Byddai eich grwpiau cymunedol lleol a'ch elusennau yn croesawu eich cefnogaeth ac mae cymaint o ffyrdd o godi arian megis cynnal cwis rhithiol neu ofyn i bobl eich noddi i gymryd rhan mewn her gorfforol. Gallech annog ffrindiau a theulu i gymryd rhan hefyd.

Mae Jo yn rhoi o’i hamser i helpu gyda glanhau traethau a chasglu sbwriel. Penderfynodd badl-fyrddio o arfordir i arfordir i godi arian at ddwy elusen agos at ei chalon, 2MinuteBeachclean Foundation a The Wave Project.
6
Meddyliwch am y sgiliau sydd gennych eisoes.

Mae cymaint o ffyrdd o helpu, mae rhywbeth i bawb mewn gwirionedd. Mae'n syniad da meddwl am yr hyn rydych chi'n ei wneud yn dda ac yn mwynhau ei wneud, ac yna chwilio am ffordd o ddefnyddio'r sgiliau hynny i helpu eraill.

Pan na allai Brian chwarae pêl-droed mwyach, penderfynodd ddefnyddio ei sgiliau a'i angerdd i helpu yn ei gymuned fel hyfforddwr gwirfoddol.

Chwilio am fwy o gyfleoedd i helpu allan?

Eisiau gwneud mwy? Rydym wedi gweithio gyda sefydliadau ledled y DU i'ch helpu i barhau ar eich taith wirfoddoli.

Darganfyddwch gyfleoedd i helpu.

Awgrymiadau a Chyngor

Cadw llygad ar y wybodaeth ddiweddaraf am y canllawiau ymbellhau cymdeithasol.

Dechreuwch gyda ffrindiau a theulu.

Cysylltwch gyda grwpiau cymunedol lleol

Byddwch yn realistig gyda faint o amser y gallwch ei roi.

Ydych wedi meddwl am godi arian?

Meddyliwch am y sgiliau sydd gennych eisoes.

Chwilio am fwy o gyfleoedd i helpu allan?